فيه سؤال بيسأله تقريبًا كل صاحب بيزنس أو صانع محتوى أو حتى مسوّق في شركة ناشئة: هل لازم أنشر كل يوم؟
ولو ما نشرتش… هل كده أنا كسلان؟ ولا بفقد فرص؟ ولا كده أحسن علشان الجودة؟
الحقيقة إن السؤال ده مش بسيط، والإجابة مش واحدة.
تعالى نفكك الفكرة مع بعض. بس قبل أي حاجة، محتاج أسألك:
هل عندك نظام واضح للمحتوى؟
ولا شغال بمنطق “ننزل أي حاجة النهاردة علشان الخوارزميات”؟
لو الإجابة التانية… فغالبًا النشر اليومي مش بس مش هيساعدك، ده ممكن يكون بيأذيك.
ليه فكرة “انشر كل يوم” بقت منتشرة جدًا؟
لو رجعنا شوية بالزمن، هنلاقي إن المنصات كانت فعلاً بتكافئ الاستمرارية الصرف.
كل ما تنشر أكتر، كل ما فرص الظهور تزيد، وده لسه موجود جزئيًا، لكن مش كفاية.
اللي حصل إن كتير من الناس بدأت تاخد نصيحة “انشر كتير” وتحولها لسيستم حياة، من غير ما تبص هل فعلاً المحتوى ده بيوصل لنتيجة؟ ولا مجرد صوت في الزحمة؟
في السعودية بالذات، عدد الشركات والمستقلين اللي بينتجوا محتوى يومي زاد جدًا.
لكن لما تبص على الأثر، تلاقي فرق كبير بين “الانتشار” و“التحوّل”.
إمتى النشر اليومي بيفيد فعلًا؟
فيه حالات معينة بيكون فيها النشر المتكرر مفيد، بل وضروري كمان:
لو عندك team متخصص شغّال على المحتوى بفكر واضح.
لما يكون فيه content bank كبير مجهّز مسبقًا.
لو البراند في مرحلة بناء عادة مشاهدة زي ما بيحصل مع الـ influencers.
أو لما يكون هدفك الظهور الكمي مش التحويل الفعلي.
لكن حتى في الحالات دي، السر مش في التكرار… السر في التوجيه.
يعني كل قطعة محتوى لازم تكون ماشية في اتجاه استراتيجي واضح، مش “بوست عشوائي علشان نثبت تواجد”.
إمتى النشر الكتير ممكن يأذي البراند بتاعك؟
وده الجزء الأهم.
فيه ٣ سيناريوهات النشر اليومي ممكن يكون فيها عبء بدل ما يكون ميزة:
1. لما المحتوى مافيهوش هدف واضح
لما بتنشر لمجرد النشر، وبتحط بوست مش مرتبط بأي Funnel أو Journey أو حتى رؤية.
2. لما الجودة تقع علشان الكمية تزيد
وده بيخلي المحتوى ممل، مكرر، ويفقدك الصوت البراندي الخاص بيك.
3. لما العميل يبدأ يحس إنك “موجود بزيادة”
ودي نقطة نفسية مهمة جدًا، العميل بيحب يتفاجئ بمحتوى يشده، مش يتحاصر ببوستات كل شوية من غير قيمة حقيقية.
الفرق بين التسويق بالمحتوى وصناعة الدوشة
في السعودية دلوقتي، المنافسة بقت مش في “مين بينزل أكتر”،
لكن في “مين فعلاً فاهم العميل وبيكلمه بلغة شبهه؟”
Pulizzi قالها في Epic Content Marketing:
“المحتوى اللي مش بيخدم رؤية… هو Noise حتى لو كان جميل.”
أنت مش هدفك تنزل بوستات، أنت هدفك تبني علاقة، تبني نظام يخلي اللي يتعرف عليك النهاردة؛ يتحوّل لعميل بكرا.
وده مش هيحصل بكتر النشر، لكن بتوجيه المحتوى داخل Funnel نفسي بيحترم وعي العميل، ويقوده بهدوء من مرحلة للتانية.
إيه البديل الصحيح للأزمة دي؟
ببساطة، Content System مش Calendar بس
مفيش مانع يكون عندك خطة نشر أسبوعية أو شهرية، لكن المهم يكون عندك هيكل واضح:
Authority Content: محتوى عميق ومؤثر يثبتك كخبير.
Support Content: محتوى تفاعلي بيخدم مراحل الوعي.
Proof Content: قصص وتجارب تبني ثقة.
CTA Content: محتوى فيه دعوة ناعمة للحركة.
لما تعمل كده، مش هيفرق تنشر كل يوم أو ٣ مرات في الأسبوع، اللي هيفرق إن كل كلمة بتنزل بتخدم رؤية، وبتقرب العميل منك.
مقياس النجاح مش عدد البوستات، بل أثر البوست
دي 3 مؤشرات تقدر تقيّم بيهم فعالية أي محتوى:
هل حد تواصل معاك بعده؟
هل المحتوى ده اتكرر عليه تفاعل في الكومنتات أو الرسائل؟
هل حسيت إنك بتتكلم بلسانك الحقيقي؟
لو الإجابة على التلاتة “نعم”، يبقى البوست ده يستحق ألف بوست من اللي بينزلوا لمجرد التواجد.
أنت مش لازم تنشر كل يوم، لكن لازم تنشر بوعي، بنظام، بصوت يشبهك.
البراند الحقيقي بيتبني على العمق، مش على الكثرة، والثقة بتتبني على الصدق، مش على التكرار.
المنصات ممكن تكافئك لو نشرت كتير،
بس الجمهور مش هيكافئك غير لو حس إنك بتكلمه، مش بتبيع له